У Полацкім калегіуме адбылося адкрыццё рэканструкцыі «Механічнай галавы», знакамітага тварэння навукоўца Габрыэля Грубера.

Як паведамляе сайт ПДУ, «Механічная галава», прадстаўленая ўвазе публікі з нагоды Дня універсітэта, з’яўляецца дакладнай копіяй тварэння Г. Грубера, які ўнёс вялікі ўклад у развіццё навукі, адукацыі і культуры на Полацкай зямлі.

«Механічная галава» размяшчалася ў музеі Полацкага калегіума і пазней Акадэміі і ўяўляла сабой галаву старца з рухомымі вачыма і доўгімі сівымі валасамі. Езуіт, які суправаджаў наведвальнікаў музея, запрашаў іх задаваць любыя пытанні на любой мове. «Механічная галава» адказвала выразна, гучна, лагічна, з поўным веданнем абставінаў і абстаноўкі запытваемага.

Аўтарам праекта яе рэканструкцыі стаў дацэнт кафедры архітэктуры ПДУ Віктар Лук’яненка. Сіліконавую мадэль «Механічнай галавы» выканаў вядомы беларускі скульптар (помнік Усяславу Чарадзею, скульптуры «Полацкі купец» і «Полацкі студэнт»), дэкан мастацкага факультэта Беларускай дзяржаўнай акадэміі мастацтваў Аляксандр Прохараў.

ximik.info

Тэгі: Полацк