Праз два дні пасля афіцыйнага адкрыцця мінскі стадыён «Дынама» сустрэне спартсменаў-аматараў, якія збяруцца ў адным месцы, каб паставіць асабістыя рэкорды і дапамагчы дзецям. Вялікі дабрачынны забег #velcombegom пройдзе 23 чэрвеня з 11:00 да 14:00 пад дэвізам SunRun Challenge. Яго мэта – сабраць сродкі для дапамогі «сонечным» дзецям, народжаным з сіндромам Дауна.
Вялікі забег SunRun Challenge дабрачыннага праекта #velcombegom стане трэцім афіцыйным мерапрыемствам на легендарным сталічным стадыёне «Дынама» пасля рэканструкцыі. Для гэтага трэба прыйсці на стадыён «Дынама» з смартфонам і любым мабільным фітнэс-дадаткам і быць гатовым да ўстанаўлення асабістых рэкордаў. Аматары бегу ўнясуць свае імёны ў гісторыю не толькі дабрачыннай кампаніі #velcombegom, але і мінскага стадыёна «Дынама». Бо з моманту яго адкрыцця ў 1934 году Вялікі забег SunRun Challenge стане першай дабрачыннай акцыяй спартсменаў-аматараў на тэрыторыі стадыёна. Для ўдзелу ў дабрачынным забегу неабходна прайсці папярэднюю рэгістрацыю па спасылцы: https://bit.ly/velcombegom
Падтрымаць «сонечных» дзяцей і прыняць удзел у Вялікім забегу SunRun Challenge ўжо пагадзіліся дзясяткі вядомых беларусаў. Удзельнікам Вялікага забегу ў дапамогу дзецям таксама стане Вадзім Дзевятоўскі, прызёр Алімпійскіх гульняў па кіданні молата і старшыня Беларускай федэрацыі лёгкай атлетыкі. Акцыю падтрымаюць і іншыя вядомыя спартсмены, дзеячы мастацтва, прадстаўнікі дзяржаўных устаноў.
За чатыры дні, з 21 па 24 чэрвеня, сумеснымі намаганнямі ўдзельнікам праекта трэба прабегчы 50 000 кіламетраў, якія будуць ператвораныя ў кілаваты «энергіі дабрыні». Бенефіцыярам дабрачыннай акцыі стаў ДУ «Дзіцячы дом-інтэрнат для дзяцей-інвалідаў з асаблівасцямі псіхафізічнага развіцця». Калі беларусы дасягнуць адзнакі ў 13 180 000 кДж або 3365 кВт/г «энергіі дабрыні», кампанія velcom пералічыць на рахунак дома-інтэрната 50 000 рублёў. Усе сабраныя грошы пойдуць на закупку дарагога медыцынскага абсталявання.
«Мы запрашаем усіх беларусаў далучыцца да акцыі SunRun Challenge і выходзіць на прабежкі з 21 па 24 чэрвеня. Толькі аб’яднаўшыся, мы зможам прабегчы 50 000 кіламетраў і дапамагчы «сонечным» дзецям і выхаванцам дома-інтэрната. За гады правядзення праекта #velcombegom беларусы даказалі, што для іх няма недасягальных мэтаў, а любую перашкоду можна пераадолець. Таму давайце збяромся ўсе разам 23 чэрвеня на стадыёне «Дынама» і аб’яднаем намаганні ў дапамогу дзецям», – заявіў начальнік аддзела карпаратыўных камунікацый velcom Мікалай Брэдзелеў.
Нагадаем, што ў 2018 годзе ў залік акцыі #velcombegom ідуць кіламетры, якія яе ўдзельнікі прабягуць з 21 па 24 чэрвеня. Каб зрабіць свой унёсак у добрую справу, усім жадаючым трэба проста выходзіць на прабежкі, а потым рабіць публікацыі ў сацыяльных сетках з указаннем свайго выніку і хэштэгам #velcombegom. У межах акцыі SunRun Challenge ужо адбылося некалькі буйных актыўнасцяў з удзелам жыхароў Мінска. 7 чэрвеня ў ГСАК «Лагойск» прайшоў вертыкальны забег з удзелам спартыўных клубаў, 14 чэрвеня беларусы з рудымі валасамі і вяснушкамі правялі першы ў Беларусі «Забег з вяснушкамі» ў падтрымку «сонечных» дзяцей з сіндромам Дауна.
Паводле арганізатараў
