Беларуская паэтка Наста Кудасава на сваёй старонцы ў Фэйсбук апублікавала кранальны верш пра мову.
Як ні пераключай сябе на нейтральны рэжым,
найгалоўнейшае мы заўжды пачыналі з «жы-»:
жыць, жывыя, жывіце, жывая, жыву, жыве —
акуратна стаяць на палічках у галаве.
І пакуль нас вучылі «пішыце жы-шы праз и»,
тут павыраслі сволачы, каты і халуі.
Я й сама заклінала ўвесь час, што не вінная мова!
Дык чаму ж я ляжу ў курапацкай зямлі нанова?!
З круглай дзірачкі ў чэрапе выліліся ў траву
жыць, жывыя, жывіце, жывая, жыве, жыву...
Чытайце яшчэ: Наста Кудасава ў арт-праекце «Словы мацней»: «Нам балюча, а значыць – мы ёсць, мы жывыя, мы моц»