У 2021 годзе адзначаўся юбілей 100-годдзя з дня заснавання Віленскага беларускага музея імя Івана Луцкевіча. Гэтая значная падзея ў культурным і музейным жыцці Беларусі стала нагодай для правядзення выставачнага праекта ў Нацыянальным мастацкім музеі Рэспублікі Беларусь у кастрычніку — снежні 2021 г. Выставу можна наведаць і сёння, дзякуючы сучасным тэхналогіям — Мастацкі музей выклаў у вольны доступ відэаэкскурсію і 3D-тур па выставе.
Экспазіцыя раскрывала гісторыю стварэння і калекцыю Віленскага беларускага музея імя Івана Луцкевіча — першага беларускага нацыянальнага музея.
Праект выклікаў вялікую цікавасць з боку шырокай аўдыторыі і прафесійнай супольнасці, таму паўстала ідэя стварыць 3D-тур і відэаэкскурсію, каб выстава стала часткай архіва беларускай культуры і да яе змог лёгка ў любы момант звярнуцца і глядач, і даследчык. ⠀
Відэаэкскурсію праводзіцье куратар выставачнага праекта Дзмітрый Моніч, вядуы навуковы супрацоўнік аддзела старажытнабеларускага мастацтва Нацыянальнага мастацкага музея. .
3D-тур можна паглядзець па спасылцы.
Відэаэкскурсію і 3D-тур музей падрыхтаваў супольна з клубам інтэлектуальнага вольнага часу «Факультатыў».
Чытайце яшчэ:
Віленскі беларускі музей імя Івана Луцкевіча: беларускае адраджэнне, вайна ва Украіне і пошукі ідэнтычнасці.
