Майстэрня сацыяльнага кіно аб'яўляе набор на інтэнсіў па стварэнні відэаролікаў, якія вырашаюць нетрывіяльныя і карысныя грамадству задачы.
Гэты міні-курс – чарговы і выніковы ў рамках #ART_INCLUSION, праекта бясплатнага інклюзіўны адукацыі ў крэатыўнай сферы ад Майстэрні сацыяльнага кіно. Інтэнсіў, які "выкрывае" ўсе тонкасці відэавытворчасці на практыцы, адбудзецца на працягу двух ужо блізкіх ўікэндаў:
o 14-16 чэрвеня: Канцэпцыя, сцэнар, КПП: крэатыў па брыфе ад замоўцаў.
o 21-23 чэрвеня: Прадакшн як ён ёсць.
Трэнеры: рэкламіст і ювелір Ян Карпаў, кінарэжысёр Андрэй Палупанаў, гукарэжысёр Яўген Шанюк.
За гэтыя 6 дзён пры ментарскай падтрымцы вы навучыцеся:
o працаваць па брыфе з кліентам – некамерцыйнай арганізацыяй – над задачай, якая робіць свет вымерна альбо невымерна лепш;
o пісаць сцэнары відэаролікаў так, як гэта робяць прафесіяналы;
o адрозніваць рэжысёрскі сцэнар, КПП, аператарскае і планаваць творчую працу па гэтых дакументах;
o працаваць з гукам, акцёрамі і, вядома ж, камерай;
o мантаваць відэа;
o прэзентаваць выніковую працу заказчыку.
Нават самым спрактыкаваным у стварэнні відэа гэтыя два ўікэнды падораць мноства знаёмстваў з творчымі і натхнёнымі людзьмі Мінска. Месца правядзення будзе даступна для людзей з абмежаванымі магчымасцямі.
Каб далучыцца, неабходна падаць заяўку да 10 чэрвеня (23:59), запоўніўшы нескладаную анкету.
Больш падрабязная інфармацыя аб інтэнсіву – на сайце праекта #ART_INCLUSION.
Праект рэалізуецца пры падтрымцы Праграмы малых грантаў Амбасады ЗША ў Рэспубліцы Беларусь.
Паводле арганізатараў
