Кіеўскі гарадскі савет збірае прапановы па перайменаванні больш як 400 вуліц, завулкаў, алей, праспектаў і станцый метрапалітэна, назвы якіх звязаны з Расіяй і Беларуссю, паведамляе тэлеграм-канал BelarusWithUkraine.
Так, пад «дэрусіфікацыю» трапляюць у тым ліку вуліцы: Беларуская, Полацкая, Брэст-Літоўская, Слаўгарадская, Гродзенская, Брэсцкая, Гомельская, Якуба Коласа.
Навіна пра такую імклівую змену назваў столькіх вуліц горада ўскалыхнула грамадзянскую супольнасць Кіева. Спецыялісты заклікаюць улады больш удумліва паставіцца да гэтай справы і не спяшацца.
