Суполка «Крыжны рысь», якая выдае сямейныя кнігі па-беларуску, зрабіла серыю беларускіх матывацыйных налепак ібеларускамоўны стыкерпак для тэлеграма з добрымі словамі. Пра гэта паведамляецца на старонцы суполкі ў Інстаграм.
Малюнкі для налепак і стыкерпака намалявала ілюстратарка Людміла Каюкава.
«Мы падумалі, што перад доўгай беларускай зімой нам усім не хапае беларускіх матывацыйных налепачак. Таму надрукавалі вось такую прыгажосць. [...] Але не толькі надрукавалі, а яшчэ і зрабілі сцікерпак для Тэлеграм!» — напісана на старонцы «Кніжны рысь» у Інстаграм.
Спампаваць стыкерпак можна па спасылцы.
Матывацыйныя налепкі ёсць у наяўнасці ў краме «Акадэмкніга».
