У выдавецтве “Кнігазбор” выйшаў зборнік з 45 перакладзеных на беларускую мову вершаў Уладзіміра Высоцкага разам з арыгінальнымі тэкстамі
Кніга “Пра жыццё, пра волю, пра сябе…”, якая выйшла ў выдавецтве “Кнігазбор”, – гэта 45 вершаў паэта, барда і актора Уладзіміра Высоцкага ў перакладзе на беларускую мову. Укладаннем кнігі і перакладам вершаў займаўся магілёвец Міхась Булавацкі.
Перакладаць Уладзіміра Высоцкага аўтар пачаў калісьці з песні “Паляванне на ваўкоў”: “Адчуў, што два радкі песні добра кладуцца на нашу мову. Захацелася перакласці ўвесь твор, – піша Міхась Булавацкі ў прадмове. – Так пачаўся новы этап майго сяброўства з Высоцкім”. У 1999 годзе перакладчык выдаў першы невялікі зборнік “Я не падману”, які змяшчаў 27 твораў. На працягу наступных гадоў аўтар пераклады шмат дапрацоўваў і прапаноўваў свае тэксты крытыкам-памочнікам. Асаблівы ўнёсак у працу зрабіў Лявон Баршчэўскі, а таксама Генадзь Бураўкін і Рыгор Барадулін.
Усе вершы ў зборніку прадубляваныя на мове арыгіналу, што дае кожнаму чытачу магчымасць параўнаць і самастойна ацаніць працу перакладчыка. Сам Міхась Булавацкі адзначае, што перакладаць на беларускую мову тое, што любы беларус можа прачытаць і цалкам зразумець у арыгінале, безумоўна, сэнс ёсць: “Пераклады з блізкіх і роднасных моваў з’яўляюцца цудоўнай формай параўнання мовы-донара і мовы-рэцыпіента, выяўлення іх гнуткасці, варыятыўнасці, сэнсавай дакладнасці і ў той жа час шматзначнасці, слоўнікавага багацця ды іншых характарыстык. Такія параўнанні дапамагаюць развіццю і ўзбагачэнню моваў”.
Варта адзначыць і высокую якасць выдання – кніга з цвёрдай вокладкай і глянцавай паперай.
Варта мець кожнаму аматару творчасці Уладзіміра Высоцкага!
Кнігу “Пра жыццё, пра волю, пра сябе…” ужо можна набыць у кнігарнях Мінска:
“Акадэмкніга” (пр-т Незалежнасці, 72), кнігарня “логвінаЎ” (пр-т Незалежнасці, 37А), “Кнігарня пісьменніка” (вул. Казлова, 2), “Веды” (вул. К.Маркса, 36), “Светач” (пр-т Пераможцаў, 11), “Цэнтральны кніжны” (пр-т Незалежнасці, 19), “Кнігі & кніжачкі” (пр-т Незалежнасці, 14), Кніжная выстава-кірмаш “Мир книг” (вул. Янкі Купалы, 27), “Эўрыка” (вул. Куйбышава, 75).
У рэгіёнах:
г. Віцебск (“Светач”, вул. Кірава, 10), г. Гародня (“Праметэй”, вул. Савецкая, 10), г. Берасце (“Іскра”, вул. Пушкінская, 4), г. Ліда (“Кніжны свет”, пр. Перамогі, 33), г. Маладзечна (“Спадчына”, вул. Прытыцкага, 7), г. Наваполацк (“Дом кнігі”, вул. Маладзёжная, 145; “Усход”, вул. Кірава, 4), г. Полацк (“Светач”, вул. Камуністычная, 21), г. Салігорск (“Крыніца”, вул. Леніна, 49), г. Пінск (“Полымя”, вул. Леніна, 4а).
А таксама ў інтэрнэт-крамах knihi.by, prastora.by і imbryk.by!
