Дэпартамент гуманітарных навук і мастацтва ЕГУ запрашае на выставу Максіма Осіпава «Я ўсё магу патлумачыць», якая аб’ядноўвае серыю маляваных дываноў на актуальныя тэмы, звязаныя з ідэнтычнасцю, выбарам і адказнасцю.
Максім Осіпаў рашуча спалучае шэдэўры сусветнай мастацкай культуры з новымі беларускімі рэаліямі, фармулюючы новыя сеансы і інтэрпрэтацыі.
Вільня стане чацвёртым пунктам у падарожжы маляваных дываноў.
Адкрыццё выставы і artist talk з Максімам Осіпавым: 10 снежня а 18-й гадзіне.
Тут вы зможаце даведацца:
- Адкуль з’явіліся і куды зніклі маляваныя дываны?
- Маляваныя дываны — культурная спадчына або кіч?
- Ці можна размаўляць пра сур’ёзнае на мове кіча?
- Чаму Алена Кіш і Ніна Бохан круцей за Язэпа Драздовіча?
- Чым небяспечныя помнікі?
- Хто такі герой?
Дзе: галерэя Autarkia, вул. Naugarduko 41, уваход праз двор.
Выстава працягнецца да 15 снежня.
Галерэя працуе штодня 11.00-18.30, субота 11.00-22.00, нядзеля 12.00-16.00.
Уваход бясплатны.
