25 сакавiка вядомая мастачка i iлюстратарка Вольга Якубоўская прэзэнтавала ў Рызе сваю асабiстую выставу «Малюю наша жыцце». Урачыстае адкрыццё выставы адбылося ў сценах асабняка Асацыяцыi Нацыянальных Культурных Таварыстваў Латвii iм. I.Казакевiч у межах мерапрыемства, прысвечанага святкаванню 105 годдзя БНР, арганiзаванага Латвійскім Таварыствам Беларускай Культуры «Сьвiтанак», паведамляе «Суполка беларусаў у Латвіі».
Прысутныя хвiлiнай маучання ўшанавалi памяць дэпартаваных ахвяр савецкай акупацый у Латвii (25 сакавiка — для латвійцаў афiцыйны дзяржауны жалобны дзень), а таксама змагароў за свабоду Беларусi i Украiны. На ўрачыстай частцы госцi i сябры «Сьвiтанка» i Вольгi Якубоускай сумесна праслухалi зварот I.Сурвiлы да беларусаў. Са святам Дня Волi i адкрыццём выставы Волi сардэчна павiншавалi прысутных Вячаслаў Целеш, кiраўнiк Мастацкага аб’яднання мастакоў-беларусаў Балтыі «Маю гонар», i Ганна Iванэ, дырэктарка беларускай школы ў Рызе.
Вольга Якубоўская і Вячка Целеш
Вольга Якубоўская і Ганна Іванэ
На выставе ў Вялiкай зале экспануюцца 25 карцiн серыi «Коцiкi Свабоды» з асабiстымi каментарамi аўтаркi па гiсторыi iх напiсання. Казачнымi вобразамi адлюстраваны як трагiчныя, так i святочныя моманты сучаснасцi i гiсторыi Беларусi, якiя звяртаюць увагу i выклiкаюць iнтарэс i дарослых, i дзяцей. Некаторыя з работ дэманструюцца ўпершыню. У Камiннай зале размешчаны iншыя працы мастачкi рознай тэматыкi i перыяду напiсання, якiя можна набыць па дамоўленнасцi.
Адкыцце выставы прайшло ў цеплай, сяброўскай i святочнай атмасферы. Кранальная творчасць Вольгi i асабiсты стыль выканання выклiкаюць слезы радасцi i смутку, гонар за беларусаў i надзею на свабоду, штурхаюць да iмкнення да волi.
Выстава працуе з 25.03 да 25.04.2023 па адрасе: Rīga, Slokas iela, 37
Час працы: ПНДЗ-ПТН з 10-00 да 18-00.
Наведванне неабходна папярэдне ўзгадніць па тэлефонах: +37167613638; +37127024786. Уваход вольны.
