Сёння стартавала рэгістрацыя на Чэмпіянат Беларусі па WoT Blitz – папулярным танкавым шутэры для мабільных прылад. Чэмпіянат пройдзе пад эгідай Беларускай асацыяцыі камп’ютэрнага спорту і пры падтрымцы кампаніі-распрацоўшчыка Wargaming. Жадаючыя пабароцца за перамогу і раздзяліць прызавы фонд у памеры 3000 рублёў могуць зарэгістравацца для ўдзелу у падзеі па спасылцы. А з рэгламентам турніру можна азнаёміцца тут.
Рэгістрацыя на чэмпіянат працягнецца з 12 па 18 ліпеня, адразу ж пасля чаго стартуюць адборачныя гульні: яны пройдуць з 19 па 25 ліпеня ў анлайн-рэжыме. Удзельнікі ж фінальных баёў сустрэнуцца не толькі ў віртуальнай прасторы, але і тварам да твару – у афлайн-фармаце, каб вызначыць пераможцу Чэмпіянату Беларусі па WoT Blitz.
«World of Tanks Blitz – адзін з самых папулярных у свеце танкавых сімулятараў для мабільных прылад і адначасова адзін з самых пазнавальных брэндаў, створаных у Беларусі. Таму ўдвая прыемней праводзіць эксклюзіўныя лакальныя івенты па сусвету гэтай гульні, арыентаваныя менавіта на беларускае кам’юніці. Для Беларускай асацыяцыі камп’ютэрнага спорту гэта перш за ўсё спосаб прадэманстраваць, што ў нашай краіне шмат не проста аматараў World of Tanks, але і гульцоў высокага ўзроўню – якіх мы, безумоўна, рады будзем бачыць у ліку ўдзельнікаў», – адзначылі ў прэс-службе Беларускай асацыяцыі камп’ютэрнага спорту.
Вялікі гульнявы вопыт – адно з ключавых патрабаванняў да патэнцыяльных удзельнікаў чэмпіянату: неабходнай умовай з’яўляецца наяўнасць ц іх танкаў 10 узроўню (самага высокага з існуючых).
Сярод іншых патрабаванняў да ўдзельнікаў – беларускае грамадзянства і пражыванне на тэрыторыі краіны. Гульня будзе весціся камандамі 5х5 чалавек. Паводле правілаў чэмпіянату, кожная каманда мае права заявіць у сваім складзе па два запасных удзельніка.
Барацьба за чэмпіёнскі тытул разгарнецца па сістэме ад 2 да 5 перамог на картах «Форт», «Руднікі», «Эль-Аламейн», «Кар’еры», «Жамчужны горад». Выбар канкрэтнай карты і неабходная колькасць перамог залежыць ад стадыі турніру.
За раскладам матчаў і навінамі чэмпіянату можна сачыць у групе VOKA Gaming у сацыяльнай сетцы Вконтакте. А відэасервіс VOKA па традыцыі дасць усім прыхільнікам гульні магчымасць назіраць за ходам фіналу па анлайн-трансляцыі.
Паводле прэс-рэлізу
