На радзіме Народнага паэта Беларусі Янкі Купалы ў Вязынцы прайшла рэканструкцыя старажытнага народнага восеньскага абрада «Багач», які сімвалізуе святкаванне з нагоды сабранага ўраджаю, піша «Звязда».
Багач прыпадае на восеньскае раўнадзенства. Па традыцыі, свята арганізавалі ўдзельнікі студэнцкага этнаграфічнага таварыства. Як заўсёды дзяўчаты былі ў народных строях і выконвалі абрадавыя восеньскія песні. Пад гармонік, скрыпку і бубен прысутныя ўволю танчылі.
Анатоль Кляшчук, фота аўтара.
