Будзьма беларусамі! » Яўген Якуш адзначыў сусветны дзень The Beatles танцамі на пялёстках руж

Перакласці песню бітлоў “All you need is love” на мову глуханямых танцору дапамаглі навучэнцы гарадзенскай школы-інтэрната для дзяцей з парушэннямі слыху.Перформанс прайшоў у самым цэнтры Гродна, на вуліцы Савецкай.

Вядомы гарадзенскі харэограф разам са сваёй камандай і дзецьмі-аматарамі танчылі ў вялікім сэрцы, выкладзеным на вуліцы з пялёсткаў руж.

“Рэпетыцыі з дзецьмі – гэта адно задавальненне. Дапамагалі іхныя педагогі, бо дзеці не чуюць і самому мне было складана ўсё тлумачыць. Дзеці файныя па эмоцыях – з імі прыемна працаваць, у іх добрая каардынацыя, усё падхопліваюць вельмі хутка”, – расказаў пра падрыхтоўку нумару Яўген Якуш. Акцыю падтрымаў праект “Жывая гісторыя”.
get_img1