Так склалася, што ў нашай краіне не так і шмат выданняў на беларускай мове для дзетак. Наўскідку прыгадваюцца “Бярозка”, “Вожык”, “Вясёлка” і “Гарбузік”.
З сакавіка 2019 года ў Беларусі выходзіць анлайн-часопіс для дзяцей ад 6 гадоў "Жэўжык". Пабачылі свет ужо 4 нумары.
На думку каманды, якая займаецца выданнем, “сучасны, добра зроблены часопіс – гэта адзін з рэальных спосабаў зацікавіць дзяцей беларускай мовай”.
Не так даўно распачалася краўдфандынгавая кампанія з мэтай выдання папяровай версіі часопіса.
“Беларускамоўныя дзеці пазбаўленыя элеметарнага: развіваць свае навыкі чытання і пісьма на роднай мове па-за школай. Таму вельмі важна зрабіць і друкаваную версію "Жэўжыка", каб ён стаў больш даступным для маленькіх чытачоў”, – адзначаюць стваральнікі.
Падтрымаць выданне новых папяровых нумароў, а таксама спампаваць ранейшыя можна тут. Там жа можна прачытаць водгукі бацькоў, якія ўжо пазнаёмілі сваіх дзетак з “Жэўжыкам”.
Падпісвайцеся таксама на старонкі часопіса ў Facebook i Instagram!
Сачыце за нашымі публікацыямі ў Telegram, Facebook, Вконтакте ды Twitter! А ў нашым Instagram вас чакаюць яскравыя фота!