Літаратура Іншае Гомель
Канец: 03.02 (18:00)
палац Румянцавых і Паскевічаў
Прэзентацыя кнігі "Гомель са старажытных часоў да канца XVIII стагоддзя" ў Гомелі
Пачатак: 03.02 (16:00)Канец: 03.02 (18:00)
палац Румянцавых і Паскевічаў
(Гомель, пл. Леніна, 4)
У пятніцу, 3 лютага, у палацы Румянцавых і Паскевічаў прэзентуюць пятае выданне кнігі гомельскага археолага, доктара гістарычных навук Алега Макушнікава «Гомель са старажытных часоў да канца XVIII стагоддзя».
Дата: 3 лютага
Час: 16.00
Месца: палац Румянцавых і Паскевічаў (зала выставы «Старэй за 1142»), пл. Леніна, 4, Гомель
Кніга выйшла напрыканцы 2022 года — праз 20 гадоў пасля папярэдняга выдання!
У кнізе — процьма матэрыялу па гісторыі Гомеля са старажытных часоў да канца XVIII стагоддзя.
На падставе дадзеных археалагічных раскопак і пісьмовых крыніц аўтар аднавіў карціну рассялення і жыцця першабытных людзей у Ніжнім Пасожжы.
З кнігі вы даведаецеся, як з’явіўся і развіваўся Гомель, найстаражытнейшы на паўднёвым усходзе Беларусі горад, — у часы Кіеўскай Русі, Чарнігаўскага княства, Вялікага княства Літоўскага, Рэчы Паспалітай.
Нават сёння дакументы, апублікаваныя ў кнізе, — гэта найбольш поўны збор пісьмовых крыніц па гісторыі Гомеля і яго наваколляў.
Новая рэдакцыя значна пашырана графічнымі выявамі і фотаматэрыяламі. Карацей, кніга-бэстсэлер!
Падчас прэзентацыі аўтар раскажа, як стваралася кніга і што новага з’явілася ў пятым выданні. А яшчэ можна будзе на ўласныя вочы ўбачыць артэфакты, якія аўтар згадвае ў сваёй працы.
Уваход вольны!
