Анлайн-трэнінг "Не падалося: рамантызацыя аб'юзу ў масавай культуры і нармалізацыя ў беларускім грамадстве"

У сераду, 11 сакавіка, ініцыятыва "Не адной" ладзіць трэнінг "Не падалося: рамантызацыя аб'юзу ў масавай культуры і нармалізацыя ў беларускім грамадстве".

Масавая культура фарміруе наша ўяўленне аб тым, якімі "павінны" быць адносіны. У фільмах, серыялах, музыцы, інтэрв'ю і публічных рэакцыях часта рамантызуюцца кантроль, рэўнасць, эмацыйны ціск і пераслед. Гэтыя мадэлі падаюцца як жарсць, клопат ці "сапраўднае каханне".

На трэнінгу пагавораць аб каранях аб'юзу ў масавай культуры. На канкрэтных прыкладах з поп-культуры і беларускіх публічных кейсаў харасмента і іншага гвалту разбяруць:

• індыкатары аб'юзіўных адносін і на якія "чырвоныя сцягі" варта звяртаць увагу;

• як працуе нармалізацыя гвалту праз грамадскія рэакцыі;

• якія існуюць віды гвалту і дзе шукаць дапамогу.

Прааналізуюць фрагменты фільмаў/серыялаў, публічныя інтэрв'ю і рэакцыі ў сацыяльных сетках, прасочым, дзе праходзіць мяжа паміж рамантызацыяй і апраўданнем гвалту, і абмяркуюць, як можна рэагаваць інакш.

Трэнінг праводзіць Станіслава Цярэнцьева, грамадзянская актывістка і феміністка, чаліня FemGroup Belarus і заснавальніца ініцыятывы супраць гендарнага гвалту "Не адной".

Удзел вольны. Рэгіструйцеся па спасылцы.

Дата і час: 11 сакавіка ў 18.00 (час варшаўскі, гэта 19.00 па Вільні і 20.00 па Мінску)