У чацвер, 13 чэрвеня, у вёсцы Стаўбун, а таксама ў Казацкіх Балсунах, Янове і Неглюбцы спраўляюць унікальны абрад «Ваджэнне і пахаванне стралы», унесены ў Спіс нематэрыяльных гісторыка-культурных каштоўнасцяў Беларусі.
Дата: 13 чэрвеня
Месца і час: в. Стаўбун (12.30), в Казацкія Балсуны (12.00), аг. Янова (12.30), в. Неглюбка (13.00), Веткаўскі раён, Гомельская вобл.
Абрад ладзіўся, каб выклікаць дождж і надаць зямлі ўрадлівасць. Суправаджаўся песнямі, карагодам і пахаваннем «стралы» — грошай, лялькі або металічнага прадмета.
Пасля «Пахавання» лічылася, што вясна ўжо скончылася, і спяваць веснавыя песні болей было нельга.
Абрад мае язычніцкае паходжанне і, верагодна, у старажытнасці спраўляўся ў гонар Пяруна, бога маланак. Уласна «страла» ў даўніну азначала менавіта маланку.
То калі жадаеце далучыцца да старажытнага дзейства — прыязджайце!