13 верасня беларусаў Батумі запрашаюць на дыскусію абмеркаваць балючыя пытаннечкі адаптацыі.
Дата: 13 верасня
Час: з 19.00 да 21.30 (час мясцовы)
Месца: вул. Зубалашвілі, 1 (уваход у арку), Батумі
Многія беларусы трохі пажылі ў Батумі ды паехалі ў іншыя гарады і краіны за лепшымі ўмовамі. Некаторыя засталіся. Але ёсць і тыя, хто выехаў з Грузіі і зноўку вярнуўся. Чаму з усімі намі гэта адбываецца?
Запрашаюць сустрэцца ў лямпавай абстаноўцы ды адмеркаваць плюсы і мінусы жыцця ў Аджарыі, падзяліцца сваім досведам і пачуць іншае меркаванне ў новай для нас краіне, каб разам вывесці формулу, як лепей прайсці адаптацыю.
Мадэратарка — беларуская журналістка Вольга Дзексніс (жыве ў Грузіі амаль год).
Уваход вольны!
