12 ліпеня 2017 года а 17-ай гадзіне ў Рэспубліканскай мастацкай галерэі Беларускага саюза мастакоў (Палац мастацтва, вул. Казлова, 3) адбудзецца адкрыццё арт-праекта Ларысы Журавовіч «Аб творчасці, каханні і самай звычайнай глыбінцы…».
«Перасоўны арт-праект «Аб творчасці, каханні і самай звычайнай глыбінцы …» – спроба раскрыць перад гледачом прыгажосць і непаўторнасць таго звычайнага, паўсядзённага жыцця, якое здаецца многім штодзённым, абмежаваным, замкнёным, пазбаўленым тэхнічных «дабротаў», і здаецца такой не толькі спрактыкаванаму, або сталічнаму гледачу, але часта і жыхару глыбінкі, які перастае шанаваць тую багатую гармонію, якую дае чалавеку жыццё ва ўзаемасувязі з прыродай, праца на зямлі, адчуванне сябе неад’емнай часткай укладу жыцця, які складваўся стагоддзямі. На жаль, сыходзіць, практычна, сышла, традыцыйная народная культура, ператвараюцца ў лецішчы вёскі і эталонам прыгажосці становяцца пальмы з пластыкавых бутэлек. Страта сувязі з прыродай прыводзіць да вычварэння паняцця аб прыгажосці і гармоніі. Адрадзіць павагу да народнага побыту, традыцыйнай народнай культуры, працы на зямлі, простаму чалавеку – у гэтым і заключаецца мэта майго праекта, маёй творчасці і маёй любові. Любові да роднай зямлі, блізкіх і незнаёмых, але ўсё ж, родных людзей, сціплай, але дзівоснай душэўнай беларускай прыродзе, да знаёмых з дзяцінства рэчаў, якія сталі часткай майго жыцця. У праекце часткова прадстаўлены серыі работ, якія былі створаны ў апошнія гады: «Бацькоўскі дом», «Родныя краявіды», аўтабіяграфічная серыя «Маё дзяцінства», серыя «Вясновыя дні» і, вядома ж, серыя партрэтаў «Землякі». Усе гэтыя працы – старонкі майго жыцця і старонкі самыя дарагія. Я буду рада, калі вы разам са мной зможаце прачытаць іх і адкрыць для сябе той велізарны і разнастайны, глыбокі і непаўторны свет «звычайнай» глыбінкі, які здольны здзівіць, пацешыць і прымусіць суперажываць любога, хто знойдзе час бліжэй пазнаёміцца з маімі творамі.
Арт-праект «Аб творчасці, каханні і самай звычайнай глыбінцы …», адкрыўся персанальнай выставай работ у Бялынічах, маёй малой радзіме, вядомай сваімі рэалістычнымі традыцыямі ў выяўленчым мастацтве, творчасці В.К. Бялыніцкага-Бірулі. Арт-праект ахапіў практычна ўсе раёны Магілёўскай вобласці – «музейнага кола Магілёўшчыны».
Арт-праект мае і сацыяльны статус. Я з задавальненнем праводжу сустрэчы з сацыяльна неабароненымі групамі насельніцтва – выхаванцамі школ-інтэрнатаў для сірот і дзяцей, якія засталіся без апекі бацькоў, жыхарамі дамоў-інтэрнатаў для інвалідаў і састарэлых і іншых катэгорый наведвальнікаў».
Ларыса Журавовіч
Журавовіч Ларыса Віктараўна
1965 – нарадзілася ў г. Белынічы Магілёўскай вобласці
1983 – скончыла мастацкае аддзяленне Рэспубліканскай школы-інтэрната па музыцы і выяўленчаму мастацтву І.В. Ахрэмчыка
1983-1989 – вучылася на аддзяленні графікі БДТМІ
1991-1994 – вучылася ў творчых акадэмічных майстэрнях (майстэрня графікі
Г.Г. Паплаўскага)
1993 – сябра Беларускага Саюза мастакоў
2002 – аўтар герба і сцяга г. Белынічы
Узнагароджана:
1989 г. – бронзавым медалём Акадэміі Мастацтваў СССР за дыпломную працу «Восень. Зямля і людзі»
2000 – памятным знакам «2000 гадоў хрысьціянства»
2016 – нагрудным знакам Міністэрства культуры Рэспублікі Беларусь «За ўклад у развіццё культуры Беларусі»
Удзельнічае ў выставах з 1983 года.
Персанальныя выставы твораў Журавовіч Л.В. адбыліся ў Нацыянальным мастацкім музеі Рэспублікі Беларусь (2009, 2016), Рэспубліканскай мастацкай галерэі (1998), Музеі сучаснага выяўленчага мастацтва (Мінск, 2001), музеях і выставачных залах Бялынічаў (1994-2016), Шклова (2007), Горак (2005, 2013), Бабруйска (2008, 2015), Магілёва (1997 г., 1998, 2005 г., 2014-2016), Светлагорска (2007), Оршы (2006), Гомеля (2008), Віцебска (2007), Мар’інай Горцы (2013 года).
Арганізаваны персанальныя выставы ў Расіі: Савеце Федэрацыі Федэральнага сходу РФ (Масква, 2002), Цэнтральным Доме мастака (Масква, 2002, 2003), галерэі “Les Oreades» (Масква, 2003), Міжнародным бізнес-цэнтры (Масква, 2003), выстава ў межах Расійска-Беларускага праекта «Мінск – Масква – Яраслаўль», прысвечанай 115-годдзю з дня нараджэння М. Багдановіча (Яраслаўль, 2006), ва Удомельскім краязнаўчым музеі (Цвярская вобласць, 2006).
Творы Журавовіч Л.В. знаходзяцца ў Нацыянальным мастацкім музеі Рэспублікі Беларусь, Нацыянальным цэнтры сучасных мастацтваў Рэспублікі Беларусь, Нацыянальным музеі гісторыі і культуры Беларусі, Магілёўскім абласным краязнаўчым музеі імя. Е.Р. Раманава, Магілёўскім абласным мастацкім музеі імя П.В. Масленікава, Быхаўскім і Шклоўскім гісторыка-краязнаўчых музеях, Гомельскай карціннай галерэі імя Г.Х. Вашчанка, Светлагорскай карціннай галерэі імя Г. Пранішнікава, Музеі гісторыі і культуры г. Оршы, Бабруйскім мастацкім музеі, Горацкім гісторыка-этнаграфічным музеі, Бялыніцкім раённым мастацкім музеі імя В.К. Бялыніцкага-Бірулі.
Тэрмін правядзенне выставы: з 12 па 23 ліпеня 2017 года, штодзень з 11.00 да 19.00, апрача панядзелка. Тэлефоны для даведак: (017) 288 15 49, (017) 290 60 10 – Палац мастацтва (017) 296 67 84 – Беларускі саюз мастакоў.
З інфармацыяй пра мінулыя, дзейныя і запланаваныя выставы можна азнаёміцца на сайце Беларускага саюза мастакоў www.belartunion.by
