Кніжна-выставачная прастора «Кнiжная шафа» прадстаўляе выстаўку «Містэрыі. 1989 — 1996» Ігара Саўчанка — аднаго з найбольш вядомых і яркіх сучасных майстроў беларускай фатаграфіі. Выстаўка пройдзе з 23 мая па 1 ліпеня 2017 года.
У экспазіцыю ўвайшлі выбраныя фатаграфіі, знятыя ў прамежку паміж 1989 і 1996 гадамі. Падыход аўтара можна прадставіць як практыку даследавання і распрацоўкі «першафатаграфіі», у аснову якой лягла ідэя пераздымкі выявы-першакрыніцы. У выніку падобнага вопыту адбываецца вяртанне да вобразу ў яго чысціні і ананімнасці, пераадоленне ўмоўных рамак жанру і традыцыі.
Работы Ігара Саўчанка прадстаўлены галерэямі: Nailya Alexander Gallery, Нью-Ёрк (з 1998), Giedre Bartelt Galerie, Берлін (з 2004), Russiantearoom Agency, Парыж (з 2006),
а таксама захоўваюцца ў прыватных і публічных зборах Беларусі, Расіі, Швецыі, Германіі, Фінляндыі, ЗША, Даніі, Швейцарыі і іншых краін.
Запрашаем вас на адкрыццё выставы, якое адбудзецца 23 мая а 19.00, уваход вольны.
Чакаем вас па адрасе: г. Мінск, пр. Дзяржынскага, 9, «Кніжная Шафа» (уваход са двара), тэл.: +375 17 234-48-64, +375 29 645-20-55.
Час працы экспазіцыі: пн.-пт. 12.00 — 19.00, сб. 12.00 — 18.00, нядз. — выхадны.
e-mail: [email protected].
Кантактная асоба: Анастасія Дудкова, +375 29 637-09-53.
