Беларускасць інтэлектуала – панятак геаграфічны, лінгвістычны ці ментальны? У чым сэнс і прызначэнне беларускага інтэлектуальнага руху? Ці існуе у нас нацыянальная інтэлектуальная эліта? Калі існуе – навошта яна краіне бясконцых Дажынак? Як зрабіць інтэлектуала заўважным ў прасторы “глабальнага коміксу” (І.Бабкоў)? Што мае на продаж айчынны інтэлектуал – і ці варта гандляваць інтэлектам? Куды падзеліся маладыя інтэлектуалы?
На гэтыя (і іншыя балючыя) пытаньні будуць супольна шукаць адказы выбітныя дзеячы айчыннага культурнага працэсу. У размове удзельнічаюць: філосаф Валянцін АКУДОВІЧ, мастак і музыка Тодар КАШКУРЭВІЧ, культуролаг Лідзія МІХЕЕВА, літаратар і філосаф Ігар БАБКОЎ, філосаф Аляксандар САРНА.
Мадэратар Максім ЖБАНКОЎ.
