Адкрытая лекцыя «Трэнды сучаснай літаратуры: чаму беларускай кнізе складана прабіцца на заходні рынак»
Пачатак: 29.05 (18:00)Канец: 29.05 (20:00)
Праект Culture Makes запрашае пагрузіцца ў аналіз сучасных літаратурных тэндэнцый і абмеркаваць іх уплыў на беларускую кніжную арэну разам з дасведчаным літаратурным крытыкам, наведаўшы адкрытую лекцыю «Трэнды сучаснай літаратуры: чаму беларускай кнізе складана прабіцца на заходні рынак»
Аўтар: Ціхан Чарнякевіч — літаратурны крытык, пісьменнік.
Дата: 29 траўня
Час: 18:00 па Усходнееўрапейскім часе
Месца: Вільня (адрас паведамяць пасля рэгістрацыі) ці анлайн у zoom
Абавязковая папярэдняя рэгістрацыя па спасылцы.
Ціхан Чарнякевіч — літаратурны крытык, перакладчык, рэдактар сайта Bellit.info, каардынатар Школы маладога пісьменніка. Аўтар нарыса «Вандроўнік: кніга пра паэта Уладзіміра Някляева» (2016).
На лекцыі мы разгледзім актуальныя трэнды ў сусветнай літаратуры і прааналізуем спіс топ-100 па версіі New York Times Books. Разбяром, якія перашкоды стаяць перад кожнай нацыяй на шляху да заходняга рынку і чаму кнігі з Беларусі не ўпісваюцца ў мэйнстрымнасць сучаснай літаратуры.
Аўтар раскажа пра ўплыў сусветных тэндэнцый на развіццё беларускага літаратурнага асяроддзя і як гэта можа адлюстравацца на якасці і разнастайнасці нашай творчасці.
Фарматы лекцыі:
— Афлайн у Вільні. Выдатная магчымасць сустрэцца асабіста, абмеркаваць тэму і пашырыць сваё прафесійнае кола.
— Анлайн на платформе ZOOM. Удзельнічайце ў мерапрыемстве з любой кропкі свету.
Працоўная мова — беларуская.
