28 красавіка (серада) у Арт-партале Рэспубліканскай мастацкай галерэі “Палац мастацтва” (вул. Казлова, 3) у 17.00 адбудзецца адкрыццё персанальнай выставы “Чым не цуд беларускае Палессе?” сябры Беларускага саюза мастакоў, секцыі дэкратыўнага мастацтва Аляксандра Яфімавіча Грэся, прымеркаваная да 70-годдзя аўтара.
На выставе будуць прадстаўлены дэкаратыўна-прыкладныя вырабы з саломкі (скрынкі, хлебніцы, цукерачніцы, вазы, падносы, стравы, галаўныя ўборы) і лазы (кошыкі), выкананыя ў традыцыйным нацыянальным беларускім стылі. Таксама будуць экспанавацца творы станковага жывапісу (пейзажы Палесся і нацюрморты).
Аляксандр Яфімавіч Грэсь
Нарадзіўся 22 мая 1951 у г. п. Брагін Гомельскай вобласці.
Скончыў у Мінску ГПТУ №31 (з чырвоным дыпломам), энергетычны тэхнікум і Політэхнічны інстытут (ў 1985 г.).
З 1979 г. актыўны ўдзельнік мастацкіх выстаў (больш за 30 выстаў у РБ і за яе межамі).
Сябра Беларускага саюза мастакоў з 1989 года.
Асноўныя творы: дэкаратыўныя шкатулкі “Залатая восень”, “Чарадзейка”, “Сонейка”, “Завіток”; падносы “Вясельны”, “Падарункавы”, “Вясновы”; цукерачніцы “Змейка”, “Ластаўка”, сухарніцы “Для кавы”, “Беларускі сувенір”, “Да гарбаты”.
Прымаў удзел у афармленні экспазіцыі літаратурнага музея Максіма Багдановіча (Мінск, Беларусь), выставы UNESCO да 500-годдзя Францыска Скарыны (Парыж, Францыя). З'яўляецца аўтарам упрыгожванняў і аксесуараў для фальклорных калектываў “Харошкі”, “Бяседа”, “Свята”, “Купалінка”, “Агмень”, “Крэсіва”, “Белая Русь”, “Мінскі гармонік” і інш.
Творы знаходзяцца ў Нацыянальным мастацкім музеі, Нацыянальным цэнтры сучасных мастацтваў, фондах Беларускага саюза мастакоў, Расійскім этнаграфічным музеі (г. Санкт-Пецярбург), Усерасійскім музеі дэкаратыўна- прыкладнога і народнага мастацтва (г. Масква), цэнтры UNESCO (г. Парыж, Францыя), музеях Вялікабрытаніі, Германіі, Нарвегіі, Польшчы. Жыве і працуе ў г. Мінску.
Тэлефон для даведак:
+375 44 515 53 10 (Лукашэвіч Сяргей Мікалаевіч).
Тэлефон для тэхнічных кансультацый
+375 44 785 01 06 (Грэсь Аляксандр Яфімавіч)
Выстава працуе да 16 мая 2021 года
Адрас: г. Мінск, вул. Казлова, 3, «Палац мастацтва».
Час працы: аўторак-нядзеля з 11:00 да 19:00. Панядзелак-выхадны дзень.
Тэлефоны для даведак: +375 (17) 288 15 49;+375 (29) 264 68 48 (МТС).
З інфармацыяй пра мінулыя і будучыя выставы можна азнаёміцца на сайтах Беларускага саюза мастакоў: www.belartunion.by, Палаца мастацтва: http://artpalace.by/ На нашай старонцы ў Facebook: https://facebook/com/mastatstva
