Аффтар – гэта такая выразная асобіна, якая жыве тут і цяпер, і якой ёсць што сказаць пра гэтае наша з вамі нечаканае жыццё. Вершамі, песнямі, карцінамі, мультыкамі, мелодыямі, фатаграфіямі, тэкстамі … проста словамі, адказваючы на нашы пытанні.
АФФТАР-ПАЦІ – гэта серыя аўтарскіх вечарын: вечарын-сустрэч, вечарын-канцэртаў, вечарын-дыялогаў.
На старце ў фокусе праекта жанр аўтарскай песні (апраўдаць назву – справа гонару, ну вы зразумелі!). Але націск мы ставім не на песні, а на асобе аўтара – яна нам цікавая ані менш за гэтыя самыя песні. А далей нам цікавыя жаданні гледачоў – вашы інтарэсы вызначаць, з кім вы будзеце сустракацца на нашых нефармальных аффтар-паці. Але гэта далей. А пакуль …
17 сакавіка, рэстаран-клуб «Мюзік-хол»
«АФФТАР-ПАЦІ» – сустрэча №3
- Раман Яраш – вакал, гітара, губны гармонік
Спявае археолаг, этнограф, гісторык, лінгвіст, дауншыфтэр. Беларуская аутэнтыка ў аўтарскім гучанні. Рэдкі госць – едзе ў Мінск адмыслова на нашу вечарыну.
- Андрэй Плясанаў – вакал, гітара
Рэжысёр, мастак, блюзмэн, класік беларускага бард-рока, карацей – легенда.
Рыхтуйцеся слухаць песні і задаваць пытанні – у нас няма цэнзуры, ёсць толькі адэкватнасць.
Рэгламент аффтар-паці:
Мы пачынаем у 20.00, але!
Прыходзьце ў 19:00. Да пачатку ў вас будзе зручная магчымасць асвоіцца, вывучыць меню і спакойна перакусіць.
Для ўсіх гасцей праекта “АФФТАР-ПАЦІ” гаспадары пляцоўкі ў гэты вечар на ўсё, што можна з’есці, ласкава прапануюць зніжку ў 20% – грэх не скарыстацца. Дзякуй ім за гасціннасць!
Квіткі ў нас недарагія – не ў грошах шчасце і ў адной краіне жывем!
Уваходны – 80 000 руб.
Набыць можна ў клубе “Мюзік-Хол” перад пачаткам, ці папярэдне.
У нас утульна – месцаў мала, не вароньце!
Адрас клуба “Мюзік-хол”: Мінск, праспект Незалежнасці д.19
(для ветэранаў – былы «Гудвін»)
Як дабрацца і што ў меню http://music-hall.relax.by /
Заброніць месца за столікам можна па тэлефонах
“Мюзік-хол”: (029) 627-51-51, (033) 341 22 10
“Пан-студыя”: (033) 341- 22 -10
Вам мала месца ў жыцці – прыходзьце!
