У суботу, 29 кастрычніка, беларусы Вільні ладзяць «Ноч (не)расстраляных паэтаў» — імпрэзу-ўшанаванне памяці беларускіх літаратараў, якія былі расстраляныя НКУС у ноч з 29 на 30 кастрычніка 1937 года.
Дата: 29 кастрычніка
Час: з 17.00 да 19.00 (час мясцовы)
Месца: каля Музея акупацыі і барацьбы за свабоду, Aukų g. 2A, Вільня
У імпрэзе возьмуць удзел музыкі Анастасія Шпакоўская, Аляксандр Памідораў, Юры Несцярэнка, Ганна Валынец, гурт «Беларускі цуд», паэткі Сабіна Брыло, Ванда Марціньш, Дар’я Роскач. Будзе таксама старшыня Саюза літоўскіх пісьменнікаў Бірутэ Янушкайтэ і іншыя ганаровыя госці.
Далучайцеся з чытаннем вершаў — будзе вольны мікрафон.
«Ноч (не)расстраляных паэтаў» — гэта не толькі ўшанаванне памяці бязвінна загінулых, гэта і праява салідарнасці з тымі, хто знаходзіцца ў зняволенні зараз.
Сёння свабода думкі зноўку знішчаецца рэжымам у Беларусі, а тысячы нашых суайчыннікаў знаходзяцца ў засценках за жаданне жыць у вольнай і дэмакратычнай краіне.
Прыходзьце, каб разам ушанаваць памяць загінулых і выказаць салідарнасць сённяшнім палітычным зняволеным Беларусі!
