У чацвер, 15 чэрвеня, гусляр Алесь Чумакоў прыбывае ў Віцебск, каб прэзентаваць свежанькі свой альбом "Летуценнік".
Дата: 15 чэрвеня
Час: 19.30
Месца: арт-прастора UPGRADE, вул. Кастрычніцкая, 2, Віцебск
Вас чакае класіка року па-беларуску ды пад гуслі!
Вам жа хацелася, каб Фрэдзі Мэрк’юры ці Пол Маккартні заспявалі па-беларуску? А вялікі й жахлівы Озі Осбарн? А Віктар Цой? Так будзе!
Над перакладамі працавалі паэты Макс Шчур і Сяржук Сокалаў-Воюш.
Падчас сустрэчы музыка распавядзе пра гісторыю гусляў, адкажа на вашыя пытанні. Таксама можна будзе набыць альбомы Алеся Чумакова на флэшках ці дысках.
Не прапусціце свята паэзіі, беларускай мовы і добрай музыкі!
Квіткі — 15 рублёў; калі лайкніце і рэпосніце афішку — 10 рублёў; студэнтам — 8 рублёў.
