Алесь Анціпенка і прэзентацыя новай кнігі “Прыпадобніўшыся да насарога”

26 кастрычніка ў праектную лабараторыю Беларускага калегіюма завітае  адзін з заснавальнікаў БК філосаф Алесь Анціпенка з новай кнігай “Прыпадобніўшыяся да насарога”.

Пра кнігу:
“Прыпадобніўшыся да насарога” –  гэта спроба адказаць на некаторыя важныя пытанні.
Што ёсць мысленнем і ці ёсць штосьці па-за яго межамі?
Што азначае “верыць”?
Што такое смерць і чаму мы яе так баімся?
Нарэшце, што такое супрэматызм і загадкавыя квадраты Малевіча?
Змест кнігі складаюць таксама пераклады класічнага твора Тао Тэ Чінг вялікага кітайскага містыка Лао Цзы (VI ст. да н. Х.) і будысцкай Кхагавісана суты, часткай рэфрэну якой і з’яўляецца назва – «Ідзі адзін сваім шляхам, прыпадобніўшыся да насарога».