Анлайн-дні сучаснай беларускай культуры з Палескімі Рабінзонамі і Рабінзонкамі

З 28 па 30 сакавіка беларускія падлеткі ва ўзросце 10-15 гадоў запрашаюцца ў анлайн-летнік «Палескія рабінзоны і рабінзонкі» на Дні сучаснай беларускай культуры.

Прапануюць разам даследаваць, як беларуская літаратура, музыка, тэатр і мастацтва адлюстроўваюць сучаснасць, а магчыма, і самі стаць часткай гэтага творчага працэсу.


Вось якая праграма:

 28 сакавіка (18:00-20:00, час мінскі) «Кнігі, якія зачароўваюць»

 Што чытаюць беларускія падлеткі?

 Якія сучасныя кнігі маглі б стаць асновай для кінастужкі?

 Хто з сучасных аўтараў_ак стварае гісторыі, што застануцца ў памяці?

Адкрыеце для сябе яркія імёны сучаснай беларускай літаратуры і самі паспрабуеце напісаць нешта неверагоднае!


 29 сакавіка (11:00-13:00, час мінскі) «Усё наша жыццё — сцэна»

 Дзе знайсці сапраўднае тэатральнае мастацтва?

 Як музыка змяняе глядацкі досвед?

 І што адчувае акцёр/акторка, выходзячы на сцэну? Пра ўсё даведаецеся!


 30 сакавіка (11:00-13:00, час мінскі) «Беларусь з пэнзлікам»

 Як выглядае сучаснае беларускае мастацтва?

 Што натхняе маладых мастакоў_чак?

Паглыбіцеся ў свет візуальнай творчасці, разгледзіце знакавыя працы і нават створыце сваю ўласную карціну. Можна далучыцца да ўсіх дзён або выбраць толькі адзін з заняткаў.



Удзел вольны, вітаюцца данаты. Рэгіструйцеся па спасылцы.