У аўторак, 9 красавіка, адбудзецца анлайн-дыскусія «Студэнцкія пратэсты ў Беларусі вачыма ўдзельніц і ўдзельнікаў ды сведкаў».
Дата: 9 красавіка ў 16.00 (час берлінскі, гэта 17.00 па Мінску і Вільні, 18.00 па Тбілісі)
Месца: зум
Студэнцкія акцыі былі неад’емнай часткай антыаўтарытарных пратэстаў у Беларусі ў 2020-2021 гг.
Выказваючы сваю грамадзянскую пазіцыю, моладзь ладзіла маршы, спеўныя сходы i дэманстрацыі на факультэтах, за што многія патрапілі пад рэпрэсіі.
Сёння па крымінальных артыкулах у беларускіх турмах знаходзяцца не менш як 40 студэнтак і студэнтаў.
Падчас дыскусіі эксперткі і эксперты ды сведкі паспрабуюць разам прааналізаваць падзеі 2020-2021 гг.
Як стаў магчымы студэнцкі пратэст у аўтарытарным асяроддзі, пазбаўленым традыцыі акадэмічных свабод?
Як ён упісваецца ў гістарычны кантэкст студэнцкіх пратэстаў?
Якім чынам можна сабраць сведчанні аб тых падзеях і якую ролю ў гэтым грае вусная гісторыя?
Як да пратэстаў студэнтак і студэнтаў ставіліся іх выкладчыцы і выкладчыкі?
Як змяніліся ўніверсітэты пасля падаўлення пратэстаў?
Як можна цяпер дапамагчы рэпрэсаванай моладзі?
Уступнае слова — Габрыэле Фрайтаг, Нямецкае таварыства па вывучэнні Усходняй Еўропы
Мадэратар — Аляксандр Паршанкоў, Карлаў Універсітэт, Прага
Эксперты:
Таццяна Астроўская, Інстытут гістарычных даследаванняў Усходняй Еўропы ім. Гердэра, Марбург
Таццяна Екельчык, Чэшскі тэхнічны ўніверсітэт, Прага
Віктар Шадурскі, вольны гісторык
Удзел вольны. Рэгіструйцеся па спасылцы.
