Анлайн
Канец: 17.01 (19:30)
анлайн
Анлайн-лекцыя Васіля Вароніна «Вялікае Княства Літоўскае пад ўладай Казіміра Ягайлавіча»
Пачатак: 17.01 (18:00)Канец: 17.01 (19:30)
анлайн
У сераду, 17 студзеня «Історичний вебінар\Historical webinar» запрашае на лекцыю Васіля Вароніна «Вялікае Княства Літоўскае пад ўладай Казіміра Ягайлавіча (1440-1447 гг.)».
Дата і час: 17 студзеня ў 17.00 (час кіеўскі, гэта 18.00 па Мінску, 17.00 па Вільні і 16.00 па Варшаве)
Месца: zoom
Прыход Казіміра да ўлады суправаджаўся ўнутранымі канфліктамі ў Вялікім Княстве Літоўскім, а таксама ўскладненнем адносін з Польшчай, якая не жадала прызнаваць яго манархам.
Тым не менш, прыхільнікам Казіміра з дапамогай як ваенных, так і мірных мер удалося дастаткова хутка стабілізаваць сітуацыю ў краіне.
Аднак неўзабаве яму давялося абараняць свае межы на захадзе і ўсходзе, дзе выбухнулі ваенныя канфлікты з Мазовіяй і Вялікім Княствам Маскоўскім.
Гібель караля Уладзіслава III пад Варнай 10 лістапада 1444 г. адкрыла перад Казімірам шлях да польскага трона, але гэты працэс зацягнуўся больш як на два гады, у ходзе якіх узаемаадносіны паміж Польшчай і Вялікім Княствам Літоўскім набылі новы характар — была выпрацавана сістэма асабістай уніі.
Пра ўсё гэта і шмат пра што іншае — у лекцыі.
Мова — беларуская. Далучайцеся ў пазначаны час па спасылцы.
