Пачалася рэгістрацыя ўдзельнікаў на чарговы анлайн-пітчынг digital-праектаў для беларускай культуры.
Дата: 31 студзеня
Час: а 17:00 CET / 19:00 (Мінск)
Праходзіць пітчынг будзе ў ZOOM.
Запрашаюцца як дасведчаныя каманды, так і навічккі. Можна прадставіць гатовы праект ці толькі яго задумку. Галоўнае, каб ідэя была звязаная з ІТ і працавала на вырашэнне задач культурніцкага ці творчага сектараў.
Прыкладны таймінг — 5 хвілін пітча + 5-7 хвілін на абмеркаванне кожнага праекта.
Па традыцыі ўдзельнікі чата будуць галасаваць за самы цікавы, на іх думку, праект. Ён і атрымае прыз — каля 15 працоўных гадзін ад спецыяліста па запыце (дызайнер, праграміст, піяршчык і гд.).
Праект «Культурны Код» фінансуецца Еўразвязам у межах праекта EU4Culture, які рэалізуецца Інстытутам імя Гётэ.
Дэдлайн прыёму заявак — 29 студзеня (23.59 СЕТ).
