2 жніўня праект «Tradycyja» прэзентуе чарговы фільм цыклу «Кола Беларускіх абрадаў» — прысвечаны Юраўскаму карагоду ў палескай вёсцы Пагост.
Дата: 2 жніўня
Час: 21.00 (час мінскі)
Месца: YouTube па спасылцы
У 2019-м карагод увайшоў у спіс нематэрыльнай культурнай спадчыны UNESKO. Раней абрад «Карагод» існаваў у кожнай вёсцы на Тураўшчыне.
Ролю племяннога быка тура, які вымер у XVII стагоддзі, стаў выконваць абрадавы хлеб, упрыгожаны трыма галінкамі пладовага дрэва, кожная з якіх мае па тры адросткі («ралцэ»).
Як і сам абрад, гэты хлеб называюць «карагод». Пазней ахоўную і прадуцыйную функцыю, якую выконваў прыручаны дзікі племянны бык тур, перанеслі на двух валоў, якімі абворвалі вёску да ўзыходу сонца на Юр’е. Пра гэта яшчэ памятаюць старэйшыя жыхары Пагоста.
А данаціць на стварэнне новых фільмаў з гэтага цыклу вы можаце вось па гэтай спасылцы.
