5 траўня праект «Спадчына як кісларод» ладзіць чарговую анлайн-сустрэчу. Спікер — рознабаковы і таленавіты Андрэй Уфімцаў, прадпрымальнік, ідэолаг абнаўлення і развіцця вёскі Касарычы ў Глускім раёне, антраполаг, падарожнік, стваральнік гістарычнага музея, Музея індзейца і Музея кінатэхнікі ў Касарычах.
Дата: 5 траўня
Час: 18.00 (час мінскі)
Месца: Zoom
Разам са спадаром Андрэем паразважаем аб тым, як змяніць стаўленне людзей з «нам усе павінны» на «хто, калі не мы»? Як праз культурныя, адукацыйныя праекты аб’яднаць мясцовых жыхароў і новых рэзідэнтаў вёскі? Як павысіць узровень камфорту пражывання, якасці жыцця, развіць пазітыўную актыўнасць? Усё гэта на прыкладзе дзейнасці ў вёсцы Касарычы, Глускі раён і працы ў ёй суседскага культурнага цэнтра «Макар-клуб».
Рэгістрацыя па спасылцы.
Далучайцеся і клічце сяброў!
