ПАДЗЕЯ ДНЯ: Анлайн-сустрэча з гісторыкам Сяргеем Тарасавым

У аўторак, 4 кастрычніка, Беларускі ПЭН ладзіць анлайн-сустрэчу з гісторыкам Сяргеем Тарасавым, сёлетнім лаўрэатам Прэміі імя Францішка Багушэвіча.

---

Дата: 4 кастрычніка

Час: 19.00 (час мінскі)

Месца: фэйсбук-старонка Беларускага ПЭНа

Спадар Сяргей прачытае лекцыю «Афрасіння Полацкая. Святая з чатырма імёнамі. Яе час, яе Крыж» ды прэзентуе сваю ўганараваную кнігу «Еўфрасіння-Офрасіння-Афрасіння Полацкая. Яе час. Яе Крыж».

Літаратурная прэмія імя Францішка Багушэвіча заснавана ў 1994 годзе. Традыцыйна ўручаецца за выдатную гістарычную прозу аўтарам кніг, што спрыяюць абуджэнню гістарычнай свядомасці і нацыянальнай незалежнасці чытачоў.

Сустрэча будзе транслявацца на фэйсбук-старонцы Беларускага ПЭНа. Далучайцеся!