Анлайн-сустрэча з польскай паэткай Крыстынай Дамброўскай

13.02.2025 17:00 - 19:00 анлайн Бясплатнае

У чацвер, 13 лютага, Андрэй Хадановіч запрашае на анлайн-сустрэчу з межах цыклу «Санаторый пад клепсідрай» польскую паэтку Крыстыну Дамброўскую.

Аўтарка паразважае пра паэтычную творчасць, вершы і абставіны іх напісання, праблемы, што паўстаюць перад творцам, і спосабы іх вырашэння.

Прагучаць таксама вершы з двух паэтычных зборнікаў Крыстыны Дамброўскай «Гукавыя дарожкі» і «Горад з індыю», у арыгінале і ў беларускім перакладзе.

Абмяркуюць:

Што важней — добры верш ці душэўны спакой блізкіх?
Як верш партугальца Фернанду Песоа стаў фактам сучаснай польскай паэзіі?
"Польскі радавод" паэткі. Каго з сучасных аўтрак і аўтараў яна рэкамендуе беларускім чытачам?
Як напісаліся ваенныя вершы паэткі і якое месца яны займаюць у яе апошняй кнізе?
Чаму і ў каго навучылася Крыстына Дамброўска? І ў якіх яна стасунках з вершамі нобелеўскай лаўрэаткі Луізы Глюк, тры кнігі якой пераклала?

Размова будзе весціся на польскай (з беларускімі субцітрамі) і беларускай мовах.

Проста далучайцеся да трансляцыі на старонцы «Прасторы польскай культуры» ў прызначаны час.

дадаць у google каляндар

Вам можа быць цікава