У аўторак, 11 лістапада, ArtPower Belarus ладзіць наступны анлайн-варкшоп па развіцці культурніцкіх праектаў.
Гэтым разам абмяркуюць калабарацыі.
Партнёрствы адкрываюць новыя магчымасці для культурніцкіх праектаў, дапамагаюць аб’ядноўваць рэсурсы, пашыраць аўдыторыю і ствараць больш устойлівыя вынікі.
? Але як зрабіць так, каб супрацоўніцтва прыносіла сапраўдны сэнс і рэальны рост?
На сустрэчы разбяруць:
- чаму калабарацыі ўзмацняюць праект; што такое калабарацыя і партнёрства;
- як супрацоўніцтва дапамагае праектам расці і пашыраць аўдыторыю;
- як шукаць і выбіраць “сваіх” партнёраў;
- як праз супольныя дзеянні ўзмацняць сэнс і ўплыў праекта.
Варкшоп будзе карысны тым, хто толькі пачынае сваю ініцыятыву, і тым, хто ўжо працуе над культурніцкімі праектамі і хоча лепш разумець сваю супольнасць.
Фармат - Zoom-вебінар (удзельнікаў не відаць, пытанні можна задаваць пісьмова).
Далучыцца змогуць толькі зарэгістраваныя і верыфікаваныя ўдзельнікі.
Удзел вольны. Рэгіструйцеся па спасылцы да 12.00 аўторка, 11 лістапада.