23 лютага Нацыянальная бібліятэка сумесна з Нацыянальным архівам ладзяць публічную лекцыю «Аператыўныя і разведвальныя зводкі Беларускага штаба партызанскага руху».
Дата: 23 лютага
Час: 11.00
Месца: зала адукацыйных тэхналогій (3 паверх), Нацыянальная бібліятэка Беларусі, пр-т Незалежнасці, 116, Мінск
Эксперт — Святаслаў Кулінок, кандыдат гістарычных навук, загадчык аддзела публікацый Нацыянальнага архіва Рэспублікі Беларусь, аўтар больш за 160 навуковых публікацый, спецыяліст па гісторыі і крыніцазнаўстве Вялікай Айчыннай вайны.
На лекцыі прэзентуюць нядаўна апублікаваныя арыгінальныя крыніцы аб дзейнасці партызанскіх фармаванняў на тэрыторыі Беларусі ў гады Вялікай Айчыннай вайны.
Размова пойдзе аб найкаштоўнейшых і надзвычай інфарматыўных аператыўных і разведвальных зводках органаў кіравання партызанскім рухам.
Уваход вольны.
Калі вы не зможаце прыйсці, далучайцеся да анлайн-трансляцыі па спасылцы.