У суботу, 26 жніўня, арт-лабараторыя «Беларускі код» і Вёска.арт прэзентуе ў Гомелі арт-праект «Vioska Art. Успаміны з дзяцінства».
Дата: 26 жніўня
Час: 18.00
Месца: Sozhski Hub, вул.Падгорная, 10г, Гомель
Гэтым разам галоўнай філасофіяй праекта стаў пошук прадметаў і атрыбутаў настальгічных успамінаў з вясковага мінулага. Зварот да сімвалаў і знакаў, якія ўжо зніклі з сённяшняй дзіцячай штодзённасці і могуць праз прызму часу ўспрымацца як экзатычнае і незразумелае напаўненне.
«Мы крэатывім для тых, хто цяміць у вясковых забавах і традыцыях, не з чужых словах. Тым, хто запамятаў гэты этап свайго жыцця, мы здолеем асвяжыць успаміны ў новым незвычайным фармаце. А хто і ня ведаў... а ёсць такія? Тым хто ня ведаў — абавязкова трэба да нас!» — кажуць аўтары.
А сярод іх — гомельскія ды не толькі гомельскія мастакі, дызайнеры ды арт-актывісты.
Уваход, здаецца, вольны.
