“БАГАЧ” ФЭСТ ВОСЕНЬСКАГА РАЎНАДЗЕНСТВА

Пачатак: 24.09 (17:00)
Канец: 24.09 (23:00)
RE:PUBLIC

(Мінск, Прытыцкага, 62)

Кошт: 200 000

Фестываль беларускай музыкі прымеркаваны да дня восеньскага раўнадзенства. Назва фестывалю бярэ выток з народнай традыцыі. Багач – восеньскае свята заканчэння збору ўраджаю. У гэты дзень нашы продкі падводзілі вынікі сваёй летняй дзейнасці, ацэньвалі сабраны ўраджай i дзякавалі багам i духам за дапамогу.

Па традыцыі на Багач у лубок збіралася жыта з усёй вёскі па жмені, устаўлялася i запальвалася свечка, якая сімвалізавала сонца. Пасля лубок з запаленай свечкай абносілі па ўсёй вёсцы пры ўдзеле ўсіх жыхароў. Узяць удзел у зборы жыта ў Багач азначала падзяку багам за ўраджай, а значыць, і надзею на тое, што наступны ўраджай будзе не горшым.

Гэтае восеньскае свята з’яўляецца адметнасцю беларусаў, бо падобнай i багатай абраднасцi ў гэты дзень няма ў суседнiх народаў.

У гэтым годзе святкаваць Багач разам з вамі будуць:

• Rokash (неафолк-рок);

• Стары Ольса (гурт сярэднявечнай беларускай музыкі);

• Irdorath (фэнтэзі-фолк).

Квіткі:

200 000 (танцпляц)

300 000 (месца за столікам) – продаж толькі ў касе клубу RE:PUBLIC

У дзень канцэрту 250 000 танцпляц, 300 000 месца за столікам.

Пункты продажу:

● Каса клубу RE:PUBLIC — Прытыцкага, 62, ст.м.Кунцаўшчына(час працы: 14.00-20.00). Тэлефон: +375-29-110-35-35.

● Пераход ст. метро Я. Коласа.