Беларускі фестываль фільмаў аб правах чалавека «WATCH DOCS Belarus» анлайн

Канец: 28.01 (23:59)
анлайн-платформа VOD Warszawa

«HUMAN RIGHTS EXTREMIST» — пад такой назвай з 21 па 28 студзеня пройдзе кінафестываль «WATCH DOCS Belarus». 14 фільмаў даступныя ў гэтыя тэрміны бясплатна на платформе VOD Warsaw.

Дата: 21–28 студзеня

Месца: платформа VOD Warsaw

У сувязі з вымушанай эміграцыяй тысяч беларусаў фестывальныя фільмы можна будзе паглядзець у Беларусі, Украіне, Літве і Польшчы.

Героі чатырнаццаці выбраных фільмаў — паліцыянты і футбольныя фанаты, бежанцы і зоркі эстрады, спартсмены і зняволеныя. Фільмы даступныя ў арыгінальных версіях з рускімі або беларускімі субтытрамі.

У сувязі з сітуацыяй у Беларусі эксклюзіўным арганізатарам сёлетняга фестывалю з’яўляецца шматгадовы партнёр «WATCH DOCS Belarus» — Хельсінкскі фонд па правах чалавека.

Падрабязную праграму фестывалю і доступ да фільмаў можна атрымаць на платформе VOD Warszawa.