З 28 лістапада па 1 снежня ў Варшаве адбудзецца кірмаш гістарычнай кнігі. Дзякуючы Цэнтру беларускай салідарнасці на кірмашы будзе беларускі стэнд — № 75.
Дата і час: з 28 лістапада па 1 снежня з 10.00 да 18.00
Месца: Каралеўскі замак, plac Zamkowy 4, Варшава
А вось і праграма творчых сустрэч і прэзентацый:
29 лістапада
14:00 / Sala Forum
Прэзентацыя серыі «Польская класіка для беларускага чытача»: Чэслаў Мілаш, Збігнев Хэрберт, Балеслаў Прус і Ян Бжехва.
Кнігі прадставяць аўтары перакладаў: Андрэй Хадановіч, Андрэй Скурко і Марына Казлоўская.
17:00 / Sala Forum
Прэзентацыя вершаў да оперы «Дзікае паляванне караля Стаха» аўтарства Андрэя Хадановіча з удзелам творцы.
30 лістапада
17:00 / Sala Forum
Прэзентацыя кніг Уладзіміра Арлова: «Patria Aeterna» і «Сьвецяцца вокны ды нікога за імі».
1 снежня
14:00 / Sala Kinowa
«Прыгоды дзеда Віці на Валадарцы» — вершы і малюнкі для дзяцей і дарослых, створаныя ў беларускай турме.
Аўтар — Алег Груздзіловіч.
14:00 / Sala Forum «Орша 1514: суперніцтва Ягелонаў з Масквой у першай палове XVI стагоддзя» — Прафесар Міраслаў Нагельскі і доктар Аляксандр Грушка.
Звярніце ўвагу: Уваход на Кірмаш толькі з боку вуліцы Grodzkiej (адваротная частка замка). Пасля таго як вы зойдзеце на кірмаш, неабходна ісці ў левы бок да самага канца, дзе вас чакае беларускі стэнд № 75.
