12 жніўня (у суботу) праект «Дыяфільм live» вяртаецца ў Варшаву з «Беларускімі казкамі на стужках» для дзетак і іх бацькоў.
Дата: 12 жніўня
Час: 17.00 (час мясцовы)
Месца: scena TR Warszawa, ul. Marszałkowska 8, Варшава
«Беларускія казкі на стужках» — гэта свята для ўсёй сям’і ў атмасферы «аналагавага» цуду.
У праграме казкі і вершы Надзеі Ясмінскай, Вольгі Гапеевай, Андрэя Хадановіча і Андрэя Скурко.
Бацькі змогуць паглыбіцца ў дзівосныя ўспаміны свайго дзяцінства, калі звычайная белая прасціна станавілася парталам у казачны свет. Дзеці пачуюць новыя ці ўжо забытыя старыя добрыя казкі, расказаныя з дапамогай чарадзейнага дыяпраектара.
Працягласць — 60 хвілін. Узрост дзяцей 5+. Мова паказу — беларуская.
Квіткі коштам 40 злотых набывайце па спасылцы.
