«БЕРЛІНСК: ІНШЫ ГОРАД, IНШАЕ ЖЫЦЦЁ». Імпрэза ў Берліне
09.08.2022
18:00 - 22:00
Otto Braun straße 70-72
Бясплатнае
9 жніўня Ambasada Kultury у партнёрстве з Razam Kunst, ABA i CEC Artslink запрашае на імпрэзу «Берлінск: іншы горад, іншае жыццё». Усе ахвотныя змогуць далучыцца да сумеснага даследавання горада i дзяліцца сваім асабістым досведам эміграцыі праз узаемадзеянне з сучасным беларускім мастацтвам.
Дата: 9 жніўня
Час: з 18.00 да 22.00 (час мясцовы)
Месца: Otto Braun straße 70-72, Берлін
Вось што будзе:
18.00 — 18.30 Эмбіент-сэт ад REFUM: гукавыя краявіды хвалевых абстракцый;
18.30 — 19.00 Kароткая прэзентацыя рэзідэнскай праграмы Art Prospekt з мастачкай Надзяй Саяпiнай і даследчыцай Сашай Рэйзар;
19.00 — 19.30 Паэтычныя чытанні ад Дзмітрыя Строцава;
20.30 — 21.00 Паказ фільма Аляксандра Камарова «Palipaduazennije» (2013);
18.00 — 21.00 Выстава Надзі Саяпінай «Тэмпаральнасць»; Выстава звяртаецца да аб’ектаў-сімбалаў, якія адлюстроўваюць пачуццё часовасці, знаёмае людзям ў вымушанай міграцыі.
18.00 — 21.00 Варкшоп «BERLINSK / COMMUNITY MAP» з Сашай Рэйзар. Удзельнікі будуць картаграфаваць Беларускі Берлін. Праект спалучае элементы картаграфавання супольнасці, унітарнага ўрбанізму і спекулятыўнага дызайну і вызначае горад, якiм яго ўяўляюць сабе звязаныя с Беларуссю мастакі, актывісты і выгнаннікі.
18.00 — 21.00 Варкшоп «MY OWN BERLIN / НЕТУРЫСТЫЧНЫЯ СУВЕНIРЫ».
Як мы адаптуемся да іншага горада, знаходзім у ім свае месцы, ствараем сістэму каардынат свайго новага дома? У рамках варкшопа вы падорыце адно аднаму месцы, словы і пачуццi ў выглядзе сувеніраў, якія захоўваюць «іншую» памяць перасялення, адаптацыі, вывучэння ды прысваення гарадской прасторы.
18.00 — 21.00 Майстар-клас па шаўкаграфіі з Аляксандрам Бельскім.
Беларускі мастак Аляксандр Бельскі запрашае стварыць разам аўтарскія прынты ў тэхніцы шаўкаграфіі з выявамі твораў сучаснага мастацтва і блізкімі кожнаму беларусу словамі і сімваламі.
Уваход вольны!
