У суботу, 2 верасня, Беларусі — адкрыты чэмпіянат па спартыўнай арніталогіі BirdRace-2023. Сёлета яго ладзіць біяфак БДУ разам з кампаніяй «Дзікая прырода».
Дата: 2 верасня, дэдлайн рэгістрацыі — 18.00 1 верасня
Час: з 6.00 да 18.00 (час беларускі)
Месца: уся Беларусь
На працягу 12 гадзін зарэгістраваныя каманды будуць шукаць птушачак па ўсёй краіне, каб убачыць як мага больш відаў. Збірайце каманду і далучайцеся!
Што трэба рабіць?
— Сабраць каманду з 3 або 4 чалавек (не больш за аднаго ўдзельніка да 18 гадоў).
— 2 верасня з 6 раніцы да 6 вечара выправіцца ў гонку за птушкамі на тэрыторыі Беларусі.
А каб перамагчы ў чэмпіянаце, трэба за 12 гадзін убачыць ці пачуць больш відаў птушак, чым іншыя каманды.
Калі хочаце ўдзельнічаць, але няма каманды, пішыце ў чат беларускіх птушкароў «Ціў-ціў» ды яднайцеся ў каманду з іншымі птушкарамі!
Удзел у чэмпіянаце бясплатны, а рэгістрацыя і падрабязнасці — па спасылках.
Заяўкі прымаюцца да 18.00 1 верасня.
