21 траўня пройдзе бізнес-сняданак «Invent Yourself”, арганізаваны студэнцкімі арганізацыямі БАСС і ЦРСІ з удзелам зуснавальніка “LPC Group“ і “BALKI Project“, выкладчыка Інстытута IBA па курсе Growth Hacking Дзяніса Лазарэнкава. Тэма сустрэчы – юрыдычныя аспекты адкрыцця свайго бізнэсу ў Беларусі: сакрэты і інсайты. Пачатак сустрэчы а 11:00.
Якія практычныя пытанні будуць разгледжаны на сустрэчы?
- Што адкрываць: ІП ці ТАА? Нюансы і сакрэты;
- Як адкрыць ІП проста і хутка і ўсяго за 1 дзень;
- Як весці бізнэс пасля адкрыцця: практычныя рэкамендацыі;
- У якіх выпадках адкрываць ТАА: бізнес-прыклады і парады;
- Падлік і аптымізацыя штомесячных выдаткаў у ТАА;
- Абарона інтэлектуальнай уласнасці для бізнэсоўцы: інсайты і прыклады з жыцця;
- Прыцягненне інвестыцый: юрыдычны бок з т.зр. бізнесу;
- AI юрысты – трэнд XXI стагоддзя ўжо ў Беларусі, і многае іншае.
Што такое бізнес-сняданкі ад «Invent Yourself»? Гэта дзелавыя гутаркі з экспертамі ў сферы бізнесу і вобласці HR, а таксама адмысловымі гасцямі праекта, якія падзеляцца сваім вопытам і парадамі ў пытаннях працаўладкавання або адкрыцця ўласнага бізнэсу за кубачкам кавы ці гарбаты. Тут можна не толькі даведацца шмат карыснай інфармацыі, але і асабіста пагутарыць са адмысловымі гасцямі праекта “Invent Yourself”. Праект прызначаны для моладзі не старэйшай за 26 гадоў.
Удзельнікі праекту змогуць атрымаць спектр навыкаў як у індывідуальнай, так і каманднай працы, а таксама атрымаць каштоўныя веды ў галіне прадпрымальніцтва, фінансаў, стратэгічнага планавання і менеджменту, маркетынгу, аспектаў правы для адкрыцця сваёй справы, а таксама актуальныя і апошнія навіны аб рынку працы ў самых розных сферах дзейнасці. Акрамя таго, важным складнікам ўдзелу ў праекце з’яўляецца арыентацыя на практыку.
Удзел у бізнес-сняданку абсалютна бясплатны, аднак патрабуе папярэдняй рэгістрацыі. Удзельнікі будуць адабраны па заяўках. Зарэгістравацца можна да 20 траўня, уключна, запоўніўшы кароткую форму. Колькасць месцаў строга абмежавана (30!).
