9 снежня (нядзеля). Будзьма маляваць! Дзіцячы майстар-клас
У кнігарні логвінаЎ (Незалежнасці 37а) адбудзецца прадстаўленне маляванкі “Будзьма беларусікамі!”, зробленай паводле анімацыйнага фільма “Будзьма беларусамі!” аднайменнай культурніцкай кампаніі. На прыкладзе гістарычных персанажаў з мультфільма мастачка Наталля Гарачая-Зямчонак навучыць дзетак размалёўваць і правільна спалучаць колеры.
Бацькі і дзеткі, прыходзьце, і не забудзьцеся захапіць каляровыя алоўкі! Пачатак а 14. Уваход вольны.
Ой, зусім забыліся: кожнаму дзіцёнку – маляванка ў дарунак. Расквецім гісторыю нашай краіны разам!
