17 верасня экскурсійны праект «Тр-тр-трэвэл» запрашае на беларускія пакатушкі па Варшаве з найцікавейшай экскурсіяй ад Рамана Абрамчука, краязнаўцы, гіда і музыкі!
Дата: 17 верасня
Час: з 11.00 да 14.00 (час мясцовы)
Месца збору: уваход у Беларускі Моладзевы Хаб, пл. Канстытуцыі, 6, Варшава
Жывяце ў Варшаве і горад падаецца табе чужым? Усё так, радзіма не тут, але ў Варшаве шмат мясцін, звязаных з Беларуссю і нашымі продкамі: палацы магнатаў ВКЛ, адрасы пражывання і дзейнасці знакамітых беларусаў, помнікі славутым выхадцам з Беларусі, якіх палякі шануюць як нацыянальных герояў, а таксама цікавыя артэфакты, звязаныя з Беларуссю зусім нечаканым бокам.
Вы пабачыце і адчуеце, што радзіма — яна побач!
Удзел бясплатны, вітаюцца ахвяраванні на развіццё праекта.
Колькасць удзельнікаў абмежаваная магчымасцямі трафіку Варшавы, а таму запісвайцеся загаддзя, пакінуўшы каментар пад апошнім пастом у тэлеграм-канале «Тр-тр-трэвэл».
