Калі яшчэ не запісаліся, хуценька запісвайцеся на бясплатны анлайн-майстар-клас беларускага псіхолага Івана Васілюка «Адаптацыя і стрэс: 7 навыкаў». Пройдзе ён ў сераду, 2 жніўня.
Дата: 2 жніўня
Час: 19.00 (час мінскі)
Месца: google meet
Апошні час добранька нам паказаў, што чараўнік у блакітным верталёце не прыляціць і давядзецца самім даваць рады вось гэтай вось рэальнасці.
— У гэтым плане значэнне псіхатэрапіі апошнім часам перабольшана, — кажа спадар Іван. — Некаторым рэчам чалавек можа даць рады і сам, але для гэтага патрэбны навыкі:
Усвядомленасць;
Кіраванне негатыўнымі рэакцыямі;
Кантэйнерызацыя негатыўных і назапашванне пазітыўных эмоцый;
Уменне адаптавацца і прымаць нявызначанасць;
Як прымаць рэальнасць і як з ёю жыць;
Асабістыя межы ў эпоху перамен;
Планаванне і асабістая эфектыўнасць.
За 90 хвілін спадар Іван прапануе разабраць, як гэтыя навыкі развіць самастойна і дзе знайсці падтрымку.
Удзел бясплатны. Рэгіструйцеся па спасылцы.
