У суботу, 27 чэрвеня, у Кракаве распачынаецца вялікі фестываль дзіцячай кнігі.
«Кніжны вырай» рыхтуе 9-дзённую праграму з падзеямі для дзяцей і дарослых: сустрэчы, майстар-класы, спектаклі, заняткі і лекцыі.
Гэта як летнік, толькі замест важатых — пісьменнікі і ілюстратары, а замест маннай кашы на сняданак і распарадку дня — кніжныя прыгоды!
Разам з мастакамі і мастачкамі рыхтуецца выстава ілюстрацый, а таксама плануецца буккросінг і невялікі кніжны кірмашык, каб запасціся чытвом для дзяцей на цэлы год.
У праграме сярод іншага:
сустрэча з пісьменнікам Андрэем Скурко;
майстар-клас з музыкам і мастаком Андрусём Такіндангам;
спектакль «Чароўны тэатр Ларысы Геніюш»;
і інш.
Праграму глядзіце па спасылцы. Там жа знойдзеце і спасылкі для рэгістрацыі на асобныя івэнты.