25 кастрычніка, у аўторак, у Берліне граюць вялікі супольны канцэрт класічнай музыкі беларускія, украінскія і нямецкія музыкі.
Дата: 25 кастрычніка
Час: 19.30 (час мясцовы)
Месца: Pierre Boulez Saal, Französische Str. 33D, Берлін
Удзел бяруць беларуская кампазітарка Вольга Падгайская, дырыжор Віталь Алексяёнак, хор Concordia, Вольны хор, камерны хор «Сафія» (Украіна), моладзевы хор «GEWANDHAUS» (Германія).
У цэнтры праграмы — Трэцяя сімфонія Бетховена з яе гераічным, рэвалюцыйным жэстам. Яе чатыры часткі, якія можна пачуць у розных аранжыроўках камернай музыкі, згрупаваныя вакол песень супраціву, абуджэння і надзеі ў інтэрпрэтацыі музыкаў з краін-удзельніц.
Таксама вы пачуеце новы твор Вольгі Падгайскай.
Квіткі коштам ад 15 да 35 еўра можна набыць па спасылцы альбо у касе канцэртнай залы.
